Ang sarap lang ng feeling na graduate ka na ng accountancy. Masaya at nakakaproud talaga. =) Kanina grad namin at yung feeling na aakyat ka ng stage at kukunin yung kunyare na diploma niyo ay kakaiba sa pakiramdam at di ko maexpalain. 

Pero sa kabila ng saya ay ang nakakalungkot na parte na hindi mo na alam kung kelan ulit kayo magkikita kita ng mga kaibigan mo. Yung hiwahiwalay na kayo ng review school at di mo na tiyak kung kelan kayo muli magkikita. But nonetheless, I really thank God for this milestone. =)

“Parang kalian lang ang mga pangarap ko ay kay hirap abutin”

Malipas ang 246 units, 76 subjects, 10 semesters, 4 na summer o limang taon ng sari-saring karanasan at kaalaman, eto ngayon, ilang araw na lang ay matatanggap ko na ang diploma na simbolo ng pagtatapos ko sa Kursong Kuntadurya o Accountancy.

Masaya, mahirap, nakakatuwa, nakakakaba, halos lahat na nga yata ng pwede maramdaman ay naramdaman ko na habang tinatahak ang landas tungo sa pagiging Sertipikadong Pampublikong Kuntador o CPA. At bilang paggunita sa aking mga pinagdaanan ay aking isusulat sa mga susunod na blog ang aking mga karanasan sa limang taon kung pakikibaka bilang estudyante ng kursong ito.

Hindi naman ako matalino at hindi din ganun kasipag mag-aral. Sa sobrang busy ko during my college days, sa dami ng responsibilities at ginagawa, minsan I doubt myself kung kaya ko matapos on time, kung kaya ko maipasa yung higher accounting, kung kaya ko magawa mga responsibilities ko. Then everytime I go back with those days, I know one thing is present sa bawat oras na yun,at siya ay si God. I always talk to God and keep my faith in Him no matter what happen. Iba kasi yung nagdadasal ka lang, kapag nagdasal ka sa Kanya, kausapin mo siya ng masinsinan and magtiwala ka na mangyayari yung pinanalangin mo sa Kanya. Always hold on to what you have prayed for. Ako, I am a Christian, whatever happens, even when I fail at times, I never let go of my faith. At I know na sa pagtatapos ng Sem e pagtingin ko sa grades ko e pasado ako at hindi uulit at iiyak.

In times na malungkot o dissapointed ako, pinapakinggan ko yung mga kantang to:

Nothing is Impossible by Planet Shakers

Our God is Greater by Chris Tomlin

What Faith Can Do by Kutless

Try niyo din, promise maganda sila.

All I want to say here is that, with God all things are possible. We just have to talk to Him and keep our faith in Him. After all, it’s all about our faith and trust in His will. 

June 12, 2007 – yan ang araw na nag-enroll ako sa PSBA. Sa  totoo lang di ko akalain na makakapagaral pa ko ng college, dahil isang araw na lang e pasukan na at ni isang school ay di ko pinuntahan para kumuha ng exam. Buti na lang sa huling araw e na-approve yung scholarship ko at yun, nakapagenroll pa.

June 13, 2007 – first day ng klase, hudyat ng simula ng bagong kabanata, kinuha ko ang kurso na hindi ko naman talaga gusto, no choice lang talaga kaya ayun napilitan. BSA daw kunin ko kaya yun kinuha ko.

December 8, 2007 – nag-apply ako sa JPIA. Di ko alam kung bakit ako nag-apply pero enjoy naman kahit mahirap. Tinawag kaming “Batch 74” at may tawagan na “kapatid” at “nay”. Nakakahiya sa simula at weird talaga pero nang nagtagal e nasanay na din at hanggang ngayon ay buo pa din ang grupo naming.

June 2008 – kinuha ako bilang representative ng school namin sa NFJPIA NCR. Ako ay nagging miyembro ng Non-Academics Committee.

July 2008 – malipas ang isang buwan ay napili ako bilang Chairperson ng Non-Academics Committee. Kumbaga ako yung nagging kanang kamay ng Vice-President ng Non Acads. Dami ko natutunan at ginawa mula noon na talaga nga naman nagging malaking tulong para mag-grow ako as a person.

February 2009 – tumakbo ako bilang VP Non Acads pero hindi ako pinalad manalo, sa totoo lang masakit dahil talagang inakala ko na ako na yung mananalo pero sadyang may mga sablay akong sagot sa meeting-de-avance at hindi naman lahat ng bumoto ay nag-base sa performance kundi sa mga sagot lamang sa tanong.

April 2009 – Inappoint ako bilang Vice-President for Communications ng NFJPIA NCR. Masaya ako na magiging bahagi ako ulit ng council at makakapag-lead sa mga JPIAns over na NCR. Sa loob ng federation year ay ang daming ginagawa, daming issue at problema pero madami din saya at leksyon na natutunan.

March 2010 – Desidido na ko tumakbo bilang President ng NFJPIA NCR ngunit ilang araw bago ang eleksyon ay kinausap ako ng ilang miyembro ng JPIA PSBA Mla. na tumakbo bilang VP Internal Affairs. Nagisip ako mabuti at sa huli ay napagdesisyunan ko na sa PSBA na lang tumakbo  at matapos ang eleksyon ay ako ang nanalo at naging VP Internal.

April 2010 – Simula na ng pagiging officer ko sa PSBA, tulad ng sa NCR madami din issue at problema, parte naman talaga yun ng pagiging officer. Higit sa lahat siguro ay yung epekto nito sa acads ko, lalo na 4^th year na ko niyan at talaga nga naming mahihirap na ang subjects. Pero sa tulong ng panalangin, naipasa at natapos ko ang School Year nay un ng maayos at walang problema.

March 2011 – Official kong natapos lahat ng accounting subject ko, 3 minors na lang natira at review subjects. Sobrang saya at sarap sa pakiramdam na matapos ang lahat, advanced pa ko niyan at walang binagsak. Sa batch naming e 8 lang kaming nakarating sa 5^th year na walang naibagsak na subjects. Kaya naman sobrang saya talaga. Achievement na din kumbaga.

June 2011 – nagwork ako as accounting staff sa Dunkin Donuts’ head office dahil ang dami kong oras na bakante dahil pang gabi lang mga subjects ko.

November 2011 – start ng in-house review class naming sa PSBA. Part siya ng curriculum naming at kailangan ipasa para maka-graduate. Ang daming inaaral at time consuming talaga dahil parang nagrereview na kami para sa board exam.

May 2012 – officially ay natapos ko ang aking kurso at matatawag ng graduate ng BS Accountancy sa PSBA Manila.

May 30, 2012 – Graduation Day!

October 2012 – With God’s grace, I will pass the CPA Board Examinations!

After all, definitely, what a journey it has been! 

10% Math, 20% English, 70% Analysis – yan para sa akin ang Accounting. Habang tumatagal mas humirap, kaya naman dapat pag first year ka pa lang e pilitin mo na maging DL dahil pagdating ng 3^rd Year e matutuwa ka na basta umabot lang ng retention grade yung nakuha mo. (ganyan ako ee. hehe.)

Kulang sa tulog, walang time manood ng TV o gumala man, madalas nasa library, madaming dalang handouts o books, ilan lang yan sa mga nararanasan natin lalo na ng mga 3^rd Year to 5^th Year. Sa dami kasi ng babasahin na rules sa PAS, Law, Tax, at dami ng formula ng MAS at Advance at Cost Accounting, e talaga naman magkukulang ang 24 hours, natatandaan ko pa na ilang beses ako nagstatus at nag GM ng tungkol sa kulang ang oras  ng isang araw lalo kapag hindi ka naman ganun kasipag at ang dali mo madala sa mga tukso tulad ng computer at barkada.

Basic Accounting – simula ng lahat, pag to ang subject mo. Pwede mo pa masabi na napilitan ka lang magtake ng accountancy. Madali lang naman siya pero dahil first timer mo e malilito ka talaga lalo sa Adjusting Entries.

Partnership and Corporation – Isa ito sa madaling part ng accounting dahil mabilis mo lang talaga maiintindihan ang mga principles.

Financial Accounting 1 – Eto na ang simula ng hirap, mahirap intindihin yung ibang topics lalo yung Bank Reconciliation at Investments. Valix yung book naming gamit ditto pero meron ding Robles na textbook at Practical Accounting 1 naman yung reviewer na gamit.

Financial Accounting 2 – Nakakalito yung liabilities at isa din ito sa di ko talaga natuunan ng pansin noon, yung Employee Benefits, Share-Based, at kung ano-ano pa. Tulad ng FinAcc 2. Valix at P1 ang reviewer.

Financial Accounting 3 – Para sakin ito ang pinakamadali sa lahat ng FinAcc. At pag andito ka na hindi mo na masasabi na napilitan ka lang mag accountancy dahil ginusto mo na din yan kahit hindi mo pa alam. SME yung bagong topic at noong tinake ko dati yan ay wala pa.

Advance Accounting 1 & 2 – Pahirap sa buhay talaga ang Consolidation of FS at masasabi ko na sinukuan ko na yung iba dyan dahil ang hirap talaga at sobrang nakakalito. Mahirap din ang Installment Sales, pero yung ibang topics ay medyo madali naman na.

Cost Accounting 1 & 2 – Procedural lang naman siya although nakakalito lalo yung Cost Part 2. Di ko alam kung di lang talaga masyado naituro ng prof ko o nahirapan talaga ko. Isa ito sa mga hindi na nauulit pa na aralin ulit dahil di na nagagamit masyado sa higher accounting.

Management Advisory Services 1 & 2 – Madali lang naman siya dahil procedural at formula lang din naman, dapat magaling ka maglaro ng formulas at masipag magsolve ng problems dahil ang dami pwede ibigay, sari-sari yung kwento at procedure ng pagsosolve. Standard Costing yung pinaka-ayaw ko dahil nalilito na ko sa mga variances.

Auditing Theory – Isa ito sa pinakagusto ko dahil marahil gusto ko maging auditor. Mahilig ka dapat magbasa at mahaba ang pasensya sa dami ng babasahin. Pero isa ito talaga sa mga na-enjoy ko. Basa at basa lang naman talaga at dapat syempre ay maretain sa utak.

Auditing Problems – Yan ang pinakamahirap na subject sa lahat. Pinagsama-samang FinAcc 1 – 3 na baligtad. Bakit baliktad? Kasi mali ang mga binibigay na problems at kailangan mo malaman ang mali. Bakit mahirap? Dahil para malaman mo na mali yun ay dapat syempre alam mo ang tama. Sa dami ng Accounts dapat alam mo kung ano ang dapat gawin sa bawat isa para malaman mo na mali pala yung treatment ng account nay un sa problem na given.

Integrative Accounting – mula simula ay rereviewhin mo ulit. Pagsasama samahin mo na lahat ng nalalaman mo mula nung first year ka, palaliman talaga ng stock knowledge at syempre sa mga panahon na yan lahat ng pagkakamali na ginawa mo nung lower accounting ka ay  dapat alam mo ng itama ngayon. Dapat sanay ka na sa mga mga problems. At itong subject na to talaga ang uubos ng oras mo at kukuha ng lahat ng atensyon mo.

Law and Tax – Masarap aralin ang mga yan dahil magagamit mo sa pang-araw araw na buhay. Puro rules at basa. Sa tax medyo mahirap ang Estate Tax at Income Taxation. Sa Law naman, nakakalito talaga, dahil kung minsan halos lahat ng choices sa exams ay parang tama lalo pag situational.

Books:

Practical Accounting 1:                   Valix, Uberita, Robles

Practical Accounting 2:                   Dayag, Punzalan, Guerrero, Foreign Books

Theory of Accounts:                       Valix

Auditing Theory:                            Roque, Salosagcol, Hermosilla, Foreign Books

Auditing Problems:                          Ocampo, Roque, Cabrerra

Management Advisory Sevices:         Cabrerra, Roque, Agamata

Business Law:                                Suarez, Soriano

Tax:                                            Tamayo, Ampongan

Tila nag-eenroll ako kada sem ng 18-24 units for academic subjects and another 24 units para sa JPIA. Double major na nga yata ako pero kahit kailan ay hindi ko pagsisihan na naging bahagi ako ng JPIA.

Mahirap ang accountancy, pero mas pahirap pa na may org ka na iintindihin. Yun yung tipong iisipin mo yung mga problema ng org habang nagrereview ka, yung tipong kailangan mo pumunta sa event ng org kahit sabay sa klase mo minsan, at yung tipong Sunday na lang pahinga mo, napupunta pa sa org.

Almost every week ang event ng NFJPIA NCR, at ang pagplaplano nito ay hindi basta basta dahil kailangan mo makipagugnayan sa iba’t-ibang school representatives at makipagmeet sa mga malayong lugar pa. Dito naranasan ko na kinabukasan na departmental exams ko e nasa practice pa rin ako ng isang event. Yung may quiz mamaya pero nasa ibang school ka pa. Yung nagaaral ka kung saan-saan na lang. Yung ang dami mong first time na makikilala at after that one time meeting e di mo na ulit makikita. Yung bawat taon na nagdadaan ay madami ka makakasalamuha at sa pagtatapos ng School Year ay magiging bahagi na lang ng iyong ala-ala.

Pero sa kabilang banda, di hamak na mas Masaya ang buhay dahil sa org. Dito rin ako natuto magmatured at mag-grow as a professional. Nagbigay din ng chance na makakilala ng napakadaming tao at makisalamuha sa mga ito. Makapunta sa iba’t-ibang lugar, makatikim ng iba’t-ibang pagkain, makaranas sumabak sa mga quizbee at non-acads activities. Maglead sa group at maging punong abala sa iba’t ibang okasyon ng org. Magbalance ng oras. Maging independent at mas maging confident sa kung sino ka. At higit sa lahat, mas magtiwala kay Lord, na sa lahat ng gagawin mo ay gagabayan ka Niya.

Mahirap pero Masarap. Dagdag challenge, dagdag fulfillment. Tunay na nakakaproud  na sa kabila ng lahat ng ginawa ko as a JPIAn, still nagawa ko makagraduate on time at walang sinabit kahit isa.

Sila ang mga tao o grupo na nakasama at naging bahagi ng pagkatao ko ngayong college.

Luwilyer: Sila ang mga unang tao na nakasama ko sa PSBA, kahit na unti unti kaming nagkalayo-layo sa paglipas ng panahon ay kahit papaano ay nanatili pa din ang pagkakaibigan namin. Sa grupong to ko na ata masasabi na nakilala ang matatalik ko na kaibigan na nawa ay makasama ko hanggang pagtanda.

Apollo 11 (Batch 74): Yan ang mga kapatid ko sa JPIA, madami ng nagbago sa aming samahan pero hindi makakaila ang concern at saya at kulitan pag kami ay magkakasama. Hindi pa din malilimutan na kami kami ang nagtulungan para maging ganap kaming mga JPIAns.

NFJPIA NCRC: Dahil sa grupong ito ay napakadami kong tao na nakilala, taon taon ay may bagong kakilala at sa bawat taon din ay may umaalis at nagiging parte na lang ng nakaraan. Ang dami ko din napuntahan, nakainan at naranasan na talaga naming dahil lamang sa NFJPIA kayak o naranasan mga yun. Madami din ako natutunan at talagang isa ito sa mga nag-mold sa katauhan ko ngayon.

JPIA PSBA Manila: Ang pamilya ko sa PSBA. Sila ang mga kaibigan na makakasama mo pag wala ka magawa at makakatulong din sayo sa pagaaral. Maraming karanasan an hindi ko malilimutan at maipagmamalaki ko pa kahit sa aking pagtanda. Sa saya at lungkot, sa harutan at iyakan, magkakaramay at talagang magkakapatid at magbabarkada ang turingan. Ang pagiging JPIAn na marahil ang pinaka-mamimiss ko sa lahat ngayong ako ay graduate na.

Tumblraccountants: Bakit nga ba pati ang grupong to ay nasali pa? Simple lang, kasi dahil sa grupong ito kaya naman mas naging close pa kami at nakilala ko ng husto ang taong nagpapasaya sa akin ngayon. Dito din ako nakakabasa ng mga kung anu-anong tips at kaalaman ukol sa ating kurso.

Marahil madami sa mga taong yan ay hindi ko na makakasama pa sa mga darating na panahon ngunit ang bawat isa sa kanila ay naging bahagi na ng buhay ko at nagpapasalamat ako sa kanilang pagdaan at pagiwan ng marka sa aking puso.

After almost 5 months. Makakapagpost na din ulit ako sa Tumblr ko. Sobrang busy lang talaga and now, bilang pagpupugay sa college life ko. All the post that I will have ay patungkol dito. Sana magustuhan ng lahat. =)

January - 1.11.11 yan ang date ng Finals namin sa integrated review. Swerte daw yan at mabuti naman isa ako sa mga pinalad na makapasa. 

February - Bukod sa naka date ko yung taong gusto ko nung valentines, this month din nangyare yung event namin sa JPIA na BGV. Laking sugal ito para sa amin pero masaya kaming lahat na naging matagumpay ang outcome ng event. 

March - Etong buwan ang nagsabi sa akin na tapos na ako sa mga accounting subject ko! Sobrang sarap sa feeling na makapasa sa lahat ng subject mula nung first year. Sobrang grateful ako kay Lord and i really really feel so blessed!

April - Month ng birthday ko, at syempre ang araw na iyon ang highlight. Nakasama ko kasi yung taong masasabi ko na minahal ko talaga. Nagpunta kami sa baywalk at dun nagdinner. Napakasimple lang naman talaga ng mga naganap pero its the moment that counts! 

May - Nag - OJT ako sa Phoenix at eto rin yung month na sobrang nalungkot ako dahil dun sa babaeng tinutukoy ko sa month of April. Masakit pero I have to accept and move on kahit ayaw pa ng puso ko. (ang emo! grrr.)

June - Eto ang sem na 3 lang ang subject ko kaya nagtry ako na maghanap ng trabaho. Nagtry ako sa makati pero kailangan daw e graduate na buti na lang napadpad ako sa isang company at dun na ko natanggap!

July - Natanggap ako sa Dunkin Donuts as Accounting Staff. Hinawakan ko ang fixed asset account and that experience taught me a lot personally and professionally.

August - Work work work!! Yan halos ginagawa ko at naenjoy ko talaga especially kapag may sahod na. Nabibili ko mga gusto ko at nagagawa ko ga gusto ko gawin. =) This month din ay naging okay na kami ni …… Kahit papano e we bakc to normal na. Medyo okay na din ako sa ganun. Heheh.

September - Nagiisip na ko umalis next month sa work dahil malapit ng magsimula ang review though minsan nanghihinayang ako pero kailangan din kasi talaga magfocus sa studies muna. Etong buwan ko din binili yung Corby II ko as my gift to myself. 

October - This month I officially ended and passed all my subjects in school. Next sem review na lang then board exam na! Wew! October 30 also marks my klast day of work at DD. Ngayong buwan din nanakaw yung Corby II ko! Sad! Pero dito ko din naman nakilala ang isang babae na nagustuhan ko dahil sobrang cute na e makuit at mabait pa. 

November - Simula na ng review. =) Eto rin yung month na nagusap kami at nagsabi ng saloobin sa isa’t isa ni ….. Maluwag sa damdamin na masabi ang mga bagay bagay kahit wala ng inaasahan pa ng mangyayare pa. Very much happy indeed and its better right now. Ngayon ko din najkamit ang android phone ko na sobrang like ko! =)

December - Last month of the year and aral, laro na lang talaga. Walang love life until naging much close kami nung girl na tinutukoy ko nung October. Seryoso ko sa kanya sana hindi lang laro ang lahat sa kanya. =)

Dahil year end na, naisipan kong mag inventory ng books ko. At eto na pala silang lahat. =)

TextBooks

(Kulang pa nga yan dahil nasa hiraman yung iba, wala yung Basic Acctg, ParCo at AudProb Books)

Reviewers 

I think kumpleto naman yan, unless may nalimutan na ko. Haha! 

P1, P2, AP, AT, TOA, MAS, BLT

Hand Outs at mga photocopies ng kung anu anong exam. Haha! Dami pa niyan, nasa isang Cabinet pero yan na lang mga ginagamit ko ngayon.

Di ko akalain na maaaral o naaral ko yang mga yan. Isa ang mga iyan sa mga susi kung bakit hanggang ngayon patuloy pa rin ang pagpursigi para maging CPA ako sa darating na taon! =)

JPIA Shirt 2008 - 2011 :

Black (2008), Red (2009),Yellow (2010), White (2011)

Batch 74 Shirts:

Gray (2008), Yellow (2009), Red (2010), Black (2011)

BSA Shirts:

Brown (2007), White (2008), Green (2009), Blue (2010), Red (2011)

NFJPIA NCRC Shirts:

Black with Gold (2008), Black with Silver (2009), Blue (2010), White (2011)